Португалската екипа Бенфика вечерва ќе го има можеби најтешкото гостување во последните сезони во евро-куповите. Бенфика гостува кај Фенербахче во првото полуфинале од Лига Европа.
Пред 38 години овие два тима одиграа натпревари во Купот на шампионите и Бенфика победи со 7:0 што е еден од најубедливите триумфи во европските купови.
Во Фенербахче се подготвени за одмазда, но и со желба да се стигне до финалето.
Португалскиот тим пак брка финале во Лига Европа откако пред две сезони во полуфиналето беше запрен од Брага.
Во второто полуфинале актуелниот европски шампион Челзи ќе гостува кај Базел.
Секој резултат е можен на овој дуел, пред се затоа што екипата на Челзи има густ календар на натпревари и прашање е дали тренерот на „сините“ од Лондон, Рафаел Бенитез ќе ги одбере најодморните и најраспложените за натпревар.
Почетокот на двата натпревара е во 21 часот и 5 минути.