Лидерот во Евролигата се врати на победите

Од:

Фенербахче се врати на победничкиот пат во Евролига по поразот од Баерн Минхен во минатиот круг. Лидерот на табелата ги декласираше гостите од Панатинаикос со 85:66 и запиша 19-ти успех сезонава во турнирот.

Николо Мели заврши со 14 поени и 7 скока за Фенербахче, а по 12 додадоа Ерик Грин, Луиџи Датоме и Марко Гудуриќ.

Шон Килпатрик беше најпрецизен за Панатинаикос со 19 поени, а ДеШон Томас остана со 13.

По две недели претстои турско дерби помеѓу „фенерите“ и Дарушафака, а ПАО го пречекува рускиот Химки.

ЦСКА Москва пак го победи бранителот на титулата Реал Мадрид (Шпанија) со 82:78 во дербито на колото.

Домаќините отстапуваа со 34:40 на полувремето, но направија пресврт по силна третата четвртина и ја задржаа предноста во последните 10 минути. Така двата тима се израмнија на второто место на табелата со по 17 победи и 5 порази.

За победниците Нандо Де Коло се истакна со 21 поени, Кори Хигинс додаде 15, а Даниел Хакет забележа 14. Ентони Рандолф беше најпрецизен за Реал Мадрид со 20 поени, а Густаво Ајон запиша 11 поени и 6 скока.

На табелата води Фенербахче со 19 победи и 3 порази, пред ЦСКА (Москва) со 17-5, Реал Мадрид има 17-5, Анадолу Ефес 14-8, Барселона 13-9, Олимпијакос 12-10 итн.

Резултати од 22 коло на Евролига:

ЦСКА Москва (Русија) – Реал Мадрид (Шпанија) – 82:78
Фенербахче (Турција) – Панатинаикос (Грција) – 85:66
Басконија (Шпанија) – Баерн Минхен (Германија) – 76:68
Армани Милано (Италија) – Дарушафака (Турција) – 90:78
Анадолу Ефес (Турција) – Гран Канарија (Шпанија) 93:74
Будучност (Црна Гора) – Химки (Русија) 90:98
Макаби Тел Авив (Израел) – Олимпијакос (Грција) 65:64
Барселона (Шпанија) – Жалгирис (Литванија) 78:72.

Би можело да ве интересира

Ларкин со демант за медиумите: Ќе играм за Турција, ама име не менувам

Шејн Ларкин ја негираше промената на името

Ана Ололовска

Ердоган му го врачи на Ларкин дресот на турската репрезентација

Ана Ололовска

Кошаркарска победа на суд: ФИБА доби случај против Евролигата

Драган Поповски

Евролига: Ларкин е МВП за јануари

Драган Поповски

Макаби Тел Авив го привлече Стадемаер

Драган Поповски