Селекторот на германската фудбалска репрезентација Јоаким Лев изјави дека неговиот тим ќе биде тешко да стане светски шампион втор пат по ред.
Според 58-годишниот стручњак, Франција, Шпанија, Бразил и Аргентина имаат посилни состави од пред четири години, а и другите селекции ќе играат многу мотивирано против „панцерите“.
– Кога сте светски шампион, победник на Купот на конфедерациите и број еден на ранг-листата на ФИФА за три или четири години, другите постојано се обидуваат да ве стигнат. Секој тим сака да и ја одземе титулата на актуелниот. За да се освои титулата, се треба да се поклопи. Со оглед дека тимовите се толку слични на квалитетот, и други фактори исто така играат голема улога, смета Лев.
Германците на Светското првенство во групата Ф ќе играат против Мексико (17 јуни), со Шведска (23 јуни) и со Кореја (27 јуни).