Спортскиот директор на Пари Сен Жермен, Бразилецот Леонардо е казнет со 9-месечна забрана на вршење на функцијата како последица на неговиот непромислен потег и намерното поттурнување на главниот судија по дуелот со Валенсиен.
Леонардо збесна откако втор меч по ред неговиот ПСЖ на теренот остана со 10-мина играчи, по исклучувањето на Тиаго Силва, па по средбата намерно се удри во делителот на правдата Кастро, потег што ни малку не им се допадна на членовите на Дисциплинската комисија во францускиот шампионат.
Инаку дуелот заврши 1-1, и тој не влијаеше врз конечниот успех на „светците“, кои ја освоија шампионската титула за прв пат по 19 – годишна пауза.