Првата ѕвезда на Лос Анџелес лејкерс, Леброн Џејмс, изјави дека планира да настапи на Божиќ, и покрај повредата заработена ноќеска на дуелот со Лос Анџелес Клиперс.
Лејкерс на Божиќ, в петок, ќе се сретне со Далас Маверикс.
– Силно го повредив скочниот зглоб, но мислам дека тоа нема да ме спречи да играм в петок. Имам неколку дена да се подготвам. Ќе правам третмани деноноќно и мислам дека ќе бидам подготвен да настапам против Далас, соопшти Леброн Џејмс.
Тој беше стрелец на 22 поена и додаде по пет скокови и асистенции во поразот од Клиперс со 116:109.