Со победата од 1:0 над Наполи остварена синоќа на гостински терен, фудбалерите на Лацио обезбедија пласман во финалето од Купот на Италија.
Единствениот гол за римскиот тим го постигна Сенад Лулиќ во 79. минута.
На првиот дуел во Рим резултатот беше 1:1, па со вкупен резултат 2:1 Лацио оди во финалето.
Таму, противник ќе му биде Јувентус кој нема трофеј во купот уште од 1995 гдоина.
Финалето е закажано за 7 јуни на „Олимпико“ во Рим.