Три победи на домаќините во четирите средби одиграни попладнево во рамките од квалификациите за Светското фудбалско првенство 2018 во Русија.
Во натпревар од групата Г, во која настапува и репрезентацијата на Македонија, селекцијата на Албанија со 2-0 го победи Лихтенштајн.
Вечерва од 20:45 часот во Хаифа, Македонија гостува кај Израел, а во дербито на колото Шпанија е домаќин на Италија
На првите две места на табелата во оваа група се Шпанија и Италија со по 16 бодови, пред Албанија која сега има 12, Израел 9, додека Македонија има 3, а последно пласираниот Лихтенштајн е без освоен бод.
Во групата Д, фудбалерите на Србија ја победија Молдавија со 3-0, додека дуелот Грузија – Република Ирска заврши без победник 1-1. Вечерва во оваа група ќе играат Велс и Австрија.
Во единствениот меч одигран досега од И група, Финска неочекувано беше подобра од Исланд со 1-0. Во вечерниот термин ќе играат Украина – Турција и Хрватска – Косово.