Машката ракометна репрезентација вечерва против Швајцарија ќе ги почне квалификациите за пласманот на Европското првенство 2014 што ќе се одржи во Данска.
И покрај нарушените односи со РФМ, капитенот Кире Лазаров на вчерашната прес-конференција истакна дека ракометарите ќе направат се со победа да ги почнат квалификациите и да ја постигнат целта за пласман на ЕП.
Селекторот Звонко Шундовски за вечерашниот натпревар нема да може да смета на повредениот Наумче Мојсовски и на казнетиот голман Борко Ристовски.
Натпреварот се игра во СП “Борис Трајковски” во Скопје од 20 часот.