Пандемијата ги нападна и играчите на Пари Сен Жермен, откако Нејмар, Анхел Ди Марија и Леандро Паредес добиле позитивни резултати на тестови за вирусот, соопшти клубот.
ПСЖ официјално призна тројца заразени, но не ги соопшти нивните имиња, кои ги објавија медиумите, цитирајќи неименувани извори во клубот.
Ова автоматски значи дека тројцата играчи ќе бидат изолирани најмалку 14 дена и ќе ги пропуштат натпреварите на тимот во овој период.
Откако Французите го играа финалето во Лигата на шампионите на 23 август, тие со задоцнување ќе започнат во Лига 1. Нивниот прв натпревар во шампионатот е закажан за 10 септември против Ленс.