Вистинската драма се одвивала рано утринава во куќата на поранешната девојка на бразилскиот репрезентативец Нејмар. Имено, крадци утринава упаднале во куќата на Бруна Бјанкарди и се обиделе да го киднапираат неговото новороденче Мави.
Осомничените биле вооружени и ги барале Бруна и нивната ќерка, но за среќа двете не биле во станот во моментот на грабежот.
Соседите ги повикале властите откако забележале дека нешто чудно се случува во куќата, а како што пренесува весникот Р7, во станот биле родителите на неговата поранешна девојка кои биле врзани, но тие поминале без посериозни повреди.
По повикот, полицијата го опколила нејзиниот имот и успеала да уапси еден осомничен додека другите избегале со луксузни чанти, часовници и накит.
Според полицискиот извештај „во резиденцијата на Бруна влегле вооружени разбојници и ги врзале нејзините родители кои се на 50 и 52 години, по што и украле вредни работи од домот. Уапсен е 20-годишен маж, додека вториот сторител е идентификуван, а на третиот се работи забрзано на идентификација како и негово приведување“.
Нејмар и Бруна не го коментираа овој инцидент.