Менаџерот на Ливерпул, Јирген Клоп, доби директен црвен картон на натпреварот против Манчестер Сити во 11. коло од Премиерлигата. Клоп беше бесен за недосуден фаул над египетската ѕвезда Мохамед Салах.
„Црвените“ се жалеа на казната на менаџерот да пропушти еден натпревар, а ФА на Англија го разгледа ова барање и соопшти каква ќе биде казната за германскиот стратег.
Клоп ќе биде казнет со 30.000 фунти, но ќе може да раководи со својот тим и нема да биде дополнително суспендиран. Ова значи дека менаџерот на Ливерпул ќе биде достапен за саботниот меч против Лидс Јунајтед на „Енфилд Роуд“.
Извор: Топспорт