Рускиот кошаркар Андреј Кириленко потпиша договор со ЦСКА Москва каде ќе остане до крајот на сезоната.
34-годишниот Кириленко досега беше член на Филаделфија која се откажа од неговите услуги. Последен пат во НБА лигата играше на 13 ноември минатата година за Бруклин.
– Драго ми е што се вратив во мојот омилен тим. Се ближи времето кога ќе мора да размислувам за завршување на кариерата, а тоа е најдобро да го правам во тимот кој го сакам, изјави Кириленко.
Тој кариерата ја почна во Спартак од Санкт Петербург, продолжи во ЦСКА Москва, а од 2001 до 2011 година е во НБА. Во најсилната лига на светот покрај за Бруклин играл и за Јута и Минесота.
Со репрезентацијата на Русија во 2007 година стана европски првак.