Фудбалерот од средниот ред на Аталанта, Франк Кеси следната сезона ќе биде играч на Милан, бидејќи двата клуба се согласија на трансфер во вредност од 28 милиони евра, пренесуваат италијанските медиуми.
Кеси кој одигра одлична сезона во Серија А, одлучи да се пресели на „Сан Сиро“ одбивајќи ја понудата на Рома со иста сума за трансфер.
Овој 20-годишен фудбалер од Брегот на Слоновата коска ќе потпише петгодишен договор со Милан според кој ќе заработува 2,5 милиони евра годишно, што е за половина милион евра повеќе од понудата од Рим.
Кеси оваа сезона настапи на 28 натпревари за Аталанта и постигна шест гола.