Напаѓачот на Наполи, Хозе Кајехон е подготвен да ја заврши сезоната со тимот бесплатно, пренесува „Фудбал Италија“.
Договорот на 33-годишниот Шпанец истекува на 30 јуни, но поради пандемијата од коронавирус, првенството во Серија „А“ ќе продолжи во јули и август.
Кајехон изјави дека е подготвен да игра за Наполи два месеци без плата. Сè што бара е осигурување од повреда.
Шпанецот игра за Наполи од 2013 година и досега има постигнато 80 гола на 338 натпревари.
Оваа сезона тој има постигнато два гола на 34 натпревари.