Дисциплинската комисија при фудбалскиот сојуз на Италија го казни Милан со еден натпревар на домашен терен без присуство на публика поради недолично однесување на неговите навивачи на неделното дерби со Јувентус во Торино.
Милан го загуби тој натпревар со 3:2, а казната ќе ја одработи на следниот дуел од Серија А закажан за 19 октомври против Удинезе.
Ове е веќе втора казна за Милан поради испади на навивачите кои сличен инцидент со навредување на своите ривали направија и против Наполи во Милано.
Освен екипата, од дуелот со Јувентус казнет излегува и Филип Мексес кој доби црвен картон поради удирање противнички играч. Дефанзивецот на „росо-нерите“ го удри Џорџио Киелини и доби суспензија од четири натпревари, како и парична санкција од 50 илјади евра.