УЕФА изрече казна за полскиот шампион Легија поради навредливиот транспарент и натписот поставен за време на бараж дуелот од Лига Европа со Актобе од страна на навивачите на Легија. За овој прекршок Легија ќе мора да плати казна од 80.000 евра.
На транспарентот е поставена свиња со содветен текст. Навивачите на Легија беа незадоволни од исфрлањето на нивниот клуб од квалификациите на Лигата на шампионите, затоа што четири минути играше фудбалер, кој немал право на настап во дуел со Селтик. Потоа на првиот следен натпревар направија кореографија, која не и се допадна на УЕФА.