Италијанскиот шампион Јувентус се вклучи во трката по фудбалерот на Челзи Бранислав Ивановиќ, јавија италијанските медиуми.
Калчолигашот е подготвен на Србинот да му овозможи годишен приход од 2,3 милиони евра.
Единствениот услов да се реализира трансферот е претходно Стефан Лихштајнер да го напушти клубот од Торино, бидејќи од Челзи не се противат на заминувањето на Ивановиќ.
Договорот на капитенот на српската репрезентација истекува следното лето и со оглед на изгубениот статус во првиот тим, тој со сигурност нема да остане во Челзи.
За Ивановиќ интерес покажуваат уште и: Барселона, Кристал Палас, Вест Хем и Ватфорд.