Екипата на Јувентус е четвртиот тим кој обезбеди пласман во четвртфиналето на фудбалскиот Куп на Италија.
Актуелниот првак на Италија, Јувентус рутинирано ја мина осминафиналната рунда со убедливата победа од 6:1 против Верона.
Џовинко беше стрелец на два гола за „Старата дама’’, а во листата на стрелците се запишаа и: Переира, Пигба, Мората (од пенал) и Коман, додека почесниот гол за гостите го постигна Неде.
Јувентус за противник во четвртфиналето ќе ка има екипата на Парма, додека вториот четвртфинален пар го сочинуваат Милан и Лацио.
Кои ќе бидат преостанатите два четвртфинални парови ќе биде познато следната седмица (20, 21 и 22 јануари), кога на програмата се останатите четири натпревари од осминафиналето, а во нив ќе играа: Рома – Емполи, Фиорентина – Аталанта, Интер – Сампдорија и Наполи – Удинезе.