Во дербито на 19. коло од италијанската Серија А, Јувентус синоќа на гостински терен ја победи Рома со 2:1.
По само десет минути игра гостите од Торино веќе водеа со 2:0 со головите на Мерих Демирал и Кристијано Роналдо од пенал. Конечниот резултат го постави Диего Пероти од пенал во 68. минута.
Со новите три бода, Јувентус повторно е лидер на табелата. Актуелниот шампион сега има 48 бода, два повеќе од второ пласираниот Интер. трет е Лацио со 42, а потоа следуваат Аталанта и Рома со по 35 бода.