Екипата на Јувентус го доби дерби дуелопт против Наполи во рамките од 11.коло на фудбалското првенство на Италија.
Актуелниот шампион Јувентус ја искористи предноста на домашниот терен и го совлада Наполи со 2:1. Стрелци на головите за „старата дама“ беа Леонардо Бонучи (50-минута) и екс фудбалерот на Наполи, Гонзало Игуаин (71), додека голот за гостите го постигна Хосе Марија Калехон (54).
Во првиот натпревар од ова коло Фиорентина како гостин ја победи Болоња со 1-0 .
Денеска на програма се натпреварите: Аталанта – Џенова, Милан – Пескара, Кротоне – Киево, Емполи – Рома, Лацио – Сасуоло и Сампдорија – Интер.
Колото ќе биде комплетирано во понеделник со дуелите, Удинезе – Торино и Каљари – Палермо.
Табела: Јувентус 27 бод, Рома 22, Наполи 20, Милан 19, Лацио 18, Аталанта 16, Фиорентина 16…