Екипата на Јувентус е првиот финалист во италијанскиот куп откако синоќа во реванш полуфиналето ја совлада Фиорентина на нејзин терен со 3:0.
Со оваа победа Јувентус ја анулираше негативата од првиот дуел кога на домашен терен загуби со 2:1.
Головите за Јувентус ги постигнаа: Алесандро Матри (21.минута), Роберто Перејра (44) и Леонардо Бонучи (59). Јувентус натпреварот го заврши со десет играчи бидејќи Алваро Мората доби црвен картон во 87.минута.
Во второто полуфинале вечерва играат Наполи и Лацио. Првиот дуел на овие два тима заврши без победник 1:1.