Фудбалерите на Јувентус во дербито од седмото коло на Серија А вечерва ќе го дочекаат Милан, но во тој натпревар ќе бидат без помошта на 30-годишнот црногорски напаѓач Мирко Вучиниќ.
Тој во ремито против Галатасарај (2-2) во Лигата на шампионите мораше да излезе од игра уште во 26-тата минута од натпреварот, а италијанскиот „Скај спорт“ известува дека прегледите покажале истегнување на бутниот мускул на десната нога. Во овој момент сè уште не е познато колку ќе паузира Вучиниќ.
Вучиниќ оваа сезона одигра пет натпревари и постигна еден гол.
Под знак прашалник е и Стефан Лихтштајнер, кој, исто така, поради повреда на мускулот, порано ја напушти играта против Галатасарај.