Јувентус бара 120 милиони евра за да го пушти Погба

Италијанскиот фудбалски шампион Јувентус е подготвен да го пушти својот најдобар играч Пол Погба во Реал Мадрид за сума од 120 милиони евра, пренесува шпанска „Марка“.

Европскиот првак Реал веќе ги договорил личните услови со Французинот според кои Погба ќе заработи 40 милиони евра за пет години, додека преостанатиот и потежок дел, договорот со Јувентус останува неизвесен.

Останува да се види одговорот на Реал дали е подготвен да исплати толкава сума за обештетувањето кое го бараат Италијаните за предвремен раскин на договорот на својот играч.

Во случај да го обезбеди Погба, Реал најверојатно ќе го ослободи од обврските Тони Крос.

Пол Погба пред четири години дојде во Јувентус како слободен играч од Манчестер Јунајтед и се промовира во еден од најдобрите светски фудбалери од средниот ред.

Би можело да ве интересира

Проблемите со Погба започнаа уште од првиот ден во Австралија

Ана Ололовска

Погба ја прекина серијата од десет натпревари без погодок и му донесе победа на Јунајтед

Реал Мадрид нема да разгледува понуди за Варан

Реал Мадрид ќе потпише договор вреден 1 милијарда евра

Лоши вести за Реал Мадрид, Рамос се повреди

Перез не го сака Погба во Реал