Јуниорската кошаркарска репрезентација на Македонија одигра двомеч против Австрија кој е последен во низата на пријателски натпревари во рамки на подготвителниот период.
Избраниците на Ѓорѓи Кочов го загубија првиот натпревар во Виена со 89-63 (31-18, 13-17, 23-14 и 22-14) додека на вториот натпревар запишаа убедлива победа од 60-75 односно 13-16, 20-16, 17-26 и 10-17 по периоди.
Јуниорите денес се враќаат во Скопје каде од утре ќе продолжат со подготовките кои водат до Европското првенство (Дивизија Б) кое ќе се одигра во Талин, Естонија во периодот од 29 јули до 6 август.