Екипата на Интер претрпе нов пораз во Серија А откако попладнево на домашен терен загуби од Сасуоло со 2:1 во натпревар од 36.коло. Гостите поведоа со 2:0 со головите на Пиетро Иемело во 36.минута и 50.минута, додека голот за Интер го постигна Едер во 70.минута. Ова е четврти пораз на Интер во серија.
На другите натпревари одиграни попладнево: Болоња – Пескара 3:1, Каљари – Емполи 3:2, Кротоне – Удинезе 1:0, Палермо – Џенова 1:0, Сампдорија – Киево 1:1 и Торино – Наполи 0:5. Вечерва (почеток 20:45 часот) се игра последниот натпревар од ова коло дербито меѓу Рома и Јувентус.
На вчера одиграните дуели: Фиорентина – Лацио 3:2 и Аталанта – Милан 1:1.
Табела: Јувентус 85 бодови, Наполи 80, Рома 78, Лацио 70, Аталанта 66, Милан 60, Фиорентина 59, Интер 56