Италијанскиот фудбалски прволигаш Интер сериозно влегува во трката за Марко Верати и е подготвен да му плати на ПСЖ 65 милиони евра за трансфер во јануарскиот преоден рок.
Италијанскиот весник „Газета дело Спорт“ објави дека менаџерот на Верати минатата недела се сретна со претставниците на Интер и почнал преговори.
Од друга страна и Верати има голема желба да се врати во својата родна земја, бидејќи е незадоволен со статусот во францускиот шампион.
Во Италија тој има настапувано само за тогашниот второлигаш Пескара. За националниот тим има одиграно 18 натпревари и постигнато еден гол.