Екипите на Интер и на Милан одиграа нерешено 2:2 во градското дерби одиграно попладнево на „Џузепе Меаца“ во Милано.
Улогата на домаќин ја имаше Интер кој поведе со голот на Андреа Кандрева во 36.минута, а само осум минути подоцна Мауро Икарди зголеми на 2:0. Милан намали со погодокот на Алесио Ромањоли во 83.минута, а бод на „росонерите“ им донесе Кристијан Запата во седмата минута од судиското надополнување со погодокот признат благодарение на „гол-технологијата“.
И другите девет дуели од 32. рунда во Италијанското фудбалско првенство на програма се денеска. Двојките се:
Рома – Аталанта,
Каљари – Киево,
Фиорентина – Емполи,
Џенова – Лацио,
Палермо – Болоња,
Пескара – Јувентус,
Торино – Кротоне,
Сасуоло – Сампдорија и
Наполи – Удинезе.
Табела: Јувентус 77 бода, Рома 71, Наполи 67, Лацио 60, Аталанта 59, Милан 58, Интер 56