Кошаркарите на Индијана ја постигнаа првата победа во НБА плеј-офот откако ноќеска славеа триумф на домашен терен над Атланта со 101:85 и изедначија на 1-1 во победи.
Клучната разлика домашните кошаркари ја направија во третиот период кој го добија со 18 поени разлика (31:13).
Најдобри во победничкиот тим беа Пол Џорџ со 27 поени и Луис Скола со 20, додека кај Атланта Пол Милсап постигна 19 поени. Нашиот Перо Антиќ за 25 минути постигна 5 поени и имаше 3 скокови.
На другите натпревари одиграни ноќеска Вашингтон ја оствари и втората победа на гости над Чикаго со 101:99 по продолжение и поведе со 2-0 во победи, додека Торонто изедначи на 1-1 во победи со триумфот над Бруклин со 100:95.
Вечерва се играат три натпревари: Мајами – Шарлот (1-0 победи), Сан Антонио – Далас (1-0) и Хјустон – Портланд (0-1).