Шведскиот напаѓач Златан Ибрахимовиќ уште еднаш навести на претстојниот трансфер во Милан. „Ибракадабра“ е посочуван за враќање кај „росонерите“ за неколку месеци, а трансферот од Л.А. Галакси во гигантот од Милано е сé поверојатен.
– Поминав две одлични години во Милано и воопшто не сакав да заминам. Станавме шампиони, и ја освоив наградата за топ-стрелец. Клубот е одличен и атмосферата е фантастична. Старите кучиња исто така беа во тимот. Не е тајна дека има интерес од Милан. Сепак, ќе се чувствувам добро и ако останам уште една година во Л.А. Галакси. Не е тајна дека ми се допаѓа Милан. Таму добро ме третираа. Во Милано ја вратив насмевката што ја изгубив во Барселона. Ќе видиме што ќе се случи, изјави Швеѓанецот за „Венити Фер“.