Феенорд се пласираше во осминафиналето на Лигата на шампионите откако вечерва на Сан Сиро ремизираше со Милан 1-1 во реваншот од плеј-офот, пренесува Танјуг.
Во првиот натпревар беше 1:0 за холандскиот клуб. Милан поведе во 38. секунда преку поранешниот напаѓач на Феенорд, Сантијаго Хименез, а израмни Јулијан Каранца во 73. минута.
Натпреварот го реши „настапот“ на Тео Ернандез, кој во 51. минута доби втор жолт картон поради обид да изнуди пенал.