Менаџер на Челзи, Антонио Конте и напаѓачот на Манчестер Јунајтед, Златан Ибрахимовиќ се прогласени за најдобар тренер и играч во Премиер лигата за декември.
Конте минатиот месец ги предводеше „сините“ од Лондон до шест победи, вкупно 13 во низа со што го изедначи рекордот во Англиското фудбалско првенство.
Ибрахимовиќ во последниот месец од 2016 година постигна пет погодоци и оствари три асистенции.
Премиер лигата продолжува овој викенд, Челзи му гостува на шампионот Лестер, додека Манчестер Јунајтед во дербито го дочекува Ливерпул.