Хрватска е во страв по убиството на навивач на АЕК во Атина. Михалис (29) го загуби животот во судир меѓу хулиганите на Динамо Загреб и грчки навивачи. По се што се случи во соседството, владее паника поради потенцијална одмазда во која би можеле да се вмешаат српските навивачи, тврди локалниот „Јутарњи лист“.
Во текстот со наслов „Грците и озлогласените белграѓани планираат обид да упаднат во Хрватска? Се гледа на едно место посебно“. Според нивните изјави, полицијата е во целосна мобилизација.
„Има проценка, иако нема потврда, дека навивачите на ПАОК заедно со „Гробарите“ на Партизан би можеле да се обидат да влезат во Хрватска, да се создаде хаос на друго место во земјата“, се вели во текстот.
Тие потсетуваат дека навивачите на ПАОК не се во мисија да му се одмаздуваат на АЕК, бидејќи се во војна меѓу себе, туку дека тие и симпатизерите на Партизан „претходно правеле акции, вклучително и против Хрватите“ и дека полицијата ги следи сите гранични премини и дека се внимава на сите приоди до Сплит и стадионот. Нагласуваат дека истото ќе биде сторено и за натпреварот меѓу Динамо и АЕК во Загреб, иако нема најави дека жолто-црните би се обиделе да заминат во хрватската престолнина.
Најавуваат невидени безбедносни мерки и за реваншот меѓу Динамо и АЕК во Атина на 19 август.
„Тој натпревар доби димензија каква што ретко се гледа. Ќе ги следи и хрватската полиција, не само грчката. Пред неколку дена во Атина ќе дојдат луѓе специјализирани за безбедност во странство и ќе проверуваат се, од аеродромот, рутата до хотелот, хотелот, околината, стадионот ќе се надгледува, полицајци ќе одат со екипата. И претходно имало натпревари од висок ризик, но никогаш не стигнале до оваа точка“, се вели во текстот, додавајќи дека „алармиите се уклучени“ и ќе следуваат десет дена пекол“.