Екипата на Хјустон постигна победа по продолжение во дуелот со Кливленд од 105:103. Ова е пред се по заслуга на промашените слободни фрлања на првиот играч на поразената екипа Леброн Џејмс. При резултат 104:103 за Хјустон Џејмс на 4.2 секунди до крајот на продолжението промаши две слободни фрлања, а во текот на дуелот имаше катастрофална реализација на слободните 3 погодени од 11 обиди.
Кај Хјустон Џејмс Харден постигна 33 поени или 26.ти пат сезонава има реализирано 30 и повеќе поени.
Хјустон сега се наоѓа на третата позиција на „Запад“, а игра без Двајт Хауард кој е повреден. Џејмс од Кливленд со 37 поени беше најефикасен.
Резултати на ноќешните дуели: Хјустон – Кливленд 105:103 (продолжение), Чикаго – ЛА Клиперс 86:96, Сакраменто – Портланд 99:110, Бостон – Голден Стејт 101:106, Индијана – Филаделфија 94:74, Орландо – Шарлот 83:98, ЛА Лејкерс – Оклахома Сити 101:108 и Денвер – Њу Орлеанс 92:99.
Пласман Источна конференција: Атланта 47-12 (победи-порази), Торонто 37-22, Чикаго 37-23, Кливленд 37-24, Вашингтон 34-26, Милвоки 32-27, Мајами 25-33, Индијана 25-34,…
Пласман Западна конференција: Голден Стејт 46-11, Мемфис 42-16, Хјустон 41-18, Портланд 39-19, ЛА Клиперс 39-21, Далас 39-22, Сан Антонио 36-23, Оклахома Сити 33-27,…