Сега е наше време. Чувствува и Горан Пандев. 19 години го носи дресот на Македонија, одигра 113 натпревари и сега со нациналниот тим е на чекор до остварување на сонот. Неговиот, но и на секое дете, секој граѓанин на Македонија. И капитенски вели…Сите за еден, еден за сите…Да живее Македонија. Одиме во победа.
„113 натпревари, повеќе од 19 години носење на овој свет дрес, многу порази, победи, радости, понижувања, многу убави и лоши работи поминав со тебе Македонија. Остана уште еден чекор до остварувањето на мојот сон, до остварување на сонот на моите колеги, на мојата фамилија, на цела НАЦИЈА. Во овие тешки времиња да се обединиме сите заедно и да се обидеме сонот да ни стане реалност. ЕДЕН за СИТЕ, СИТЕ за ЕДЕН…Да живее Македонија“, напиша капитенот на социјалните мрежи.