Најдобриот српски тенисер Новак Ѓоковиќ лесно се пласираше во полуфиналето на Отвореното првенство на Кина во Пекинг.
За помалку од еден час го елиминираше Австриецот Јирген Мелцер со резултат 6:1, 6:2 во сетови. Противник во борбата за финалето ќе му биде Германецот Флоријан Мајер кој беше подобар од Кинезот Зе Женга (6:3, 6:4).
Во второто полуфинале ќе се сретнат Французинот Жо-Вилфред Цонга и Шпанецот Фелисијано Лопес. Цонга го елиминираше Русинот Михаил Јужни со 6:3, 6:2, а Лопес во три сета го победи Американецот Сем Квери 4:6, 6:4, 6:4.