Тренерот на Рома, Руди Гарсија денеска изјави дека неговиот тим е поквалитетен од шампионот Јувентус и дека сезонава Рома ќе ја освои титулата.
Рома во последното коло од Серија А пред паузата за репрезентативните настапи загуби од Јувентус со 3:2 во контроверзен натпревар одбележан со пенали, исклучувања и негодувања за судењето.
– Бев горд на моите играчи и покрај поразот на дербито. Тие покажаа карактер и ме натераа да сфатам дека сме посилни од Јувентус. Можам јасно да порачам, го освојуваме Скудетото, рече предводникот на Рома.
Римјаните вечерва од 18 часот го пречекуваат Киево во меч со кој ќе биде отворено 7. коло од Италијанското фудбалско првенство.