НБА екипите Бостон Селтикс и Бруклин Нетс постигнаа договор Кевин Гарнет и Пол Пирс да заминат во Бруклин, а за возврат Селтикси да ги добијат трите „пика“ во првата рунда на драфтот 2014, 2016 и 2018 година, како и играчите Крис Хемфрис, Џералд Валас, Реџи Еванс, Кит Боганс и Торник Шенгелија.
Со оваа „трампа“ Бостон и дефинитивно се одлучува за реконструкција и подмладување на екипата, додека Бруклин доби две супер ѕвезди кои ќе бидат носители на играта на тимот предводен од Џејсон Кид.
Измината сезона во основнит дел од НБА лигата Бруклин имаше биланс од 49 победи и 33 порази, додека Бостон оствари ефект од 41 победа и 40 порази.
Во плеј-офот Бруклин беше елиминиран од Чикаго во првото конференциско коло, додека Бостон загуби од Њујорк.