Францускиот шампион Монако демантираше дека еден од најталентираните играчи во светот Килијан Мбапе бил продаден на Реал Мадрид за рекордни 180 милиони евра со што стана најскапиот фудбалер во историјата, пишува англискиот „Скај Спорт“.
Само неколку часа претходно, шпанскиот спортски весник „Марка“ објави дека трансферот е веќе договорен и дека Реал веднаш на Монако ќе му плати 160 милиони евра, како и дополнителни 20 милиони евра преку бонуси, сума со која ќе биде далеку надминат досегашниот рекорден трансфер. Досега најскапиот трансфер го направи Пол Погба кој од Јувентус во Манчестер Јунајтед премина за сума од 105 милиони евра.