Европскиот првак Франција ја постигна и третата победа на Европското првенство откако синоќа ја совлада Полска во резултатски неизвесен натпревар.
На овој дуел бекот на „триколорите“ Тони Паркер постигна 16 поени и со првиот кош на дуелот стана најефикасен играч на шампионатите поминувајќи ја границата од 1.030 поени. Досега на врвот на вечната листа на стрелци беше Никос Галис.
Во рамките на Д групата првите порази ги „запишаа“ Чешка и Литванија, додека во групите А и Д по три одиграни натпревари без победа се: Русија и Украина.
Во драматичен натпревар Босна и Херцеговина го победи Изреал со 86:84 по продолжение. Најпрвин Елмедин Кикановиќ со звукот на сирената постигна „тројка“ за продолжение 75:75, а потоа истиот играч на две десетинки докрајот на продолжението постигна кош за прва победа на Босна и Херцеговина.
Резултати на натпреварите од 3.коло.
А група:
Финска – Русија 81:79,
Израел – БиХ 84:86 (75:75),
Франција – Полска 69:66.
Табела: Франција 3-0 (победи-порази), Израел 2-1, Полска 2-1, Финска 1-2, БиХ 1-2, Русија 0-3.
Д група:
Литванија – Белгија 74:76,
Чешка – Летонија 65:72,
Украина – Естонија 71:78.
Табела: Чешка 2-1, Белгија 2-1, Литванија 2-1, Летонија 2-1, Естонија 1-2, Украина 0-3.
Денеска е слободен ден во групите А и Д, а се играат натпреварите од групите Б и Ц.
Б група двојки 3.коло: Србија – Исланд, Германија – Турција и Шпанија – Италија.
Ц група двојки – 3.коло: Словенија – Холандија, Грузија – Грција, Хрватска – Македонија.