Светската фудбалска асоцијација (ФИФА) денеска ја одби жалбата на Мајкл Гарсија која се однесуваше на извештајот на Етичката комисија на ФИФА, со што Русија и Катар практично се ослободени од обвиненијата за корупција при изборот на домаќин на Мундијалот 2018 и 2022.
Независниот тужител Гарсија по објавувањето на извештајот на комисијата на 42 страни, поднесе жалба образложувајќи дека погрешно е протолкуван неговиот истражен материјал составен на 430 страни.
ФИФА и натаму е под силен притисок од јавноста да го објави целосниот извештај на Гарсија.