Светската кошаркарска федерација (ФИБА) не ги признава десетгодишните договори што 11 европски екипи ги имаат потпишано со Евролигата, пренесува „Газета дело спорт“.
ФИБА ги признава само тригодишните договри, кои истекуваат во 2017 година и со тоа ќе се обиде по тој период да ги придобие најголемите клубови да и се приклучат и да ја напуштат Евролигата.
Групата од 11 клубови кои имаат потпишани договори со Евролигата се: Анадолу Ефес, Фенербахче, ЦСКА Москва, Армани, Барселона, Лаборал, Реал Мадрид, Макаби, Олимпијакос, Панатинаикос и Жалгирис.
За евентуално напуштање на Евролигата и предвремено раскинување на договорот, секој клуб ќе мора да плати 10 милиони евра.
Поради Евролигата, ФИБА Европа изрече суспензии за 14 федерации, меѓу кои е и Македонската кошаркарска федерација (МКФ).