Лесна и убедлива победа на Фени Индустри над АВ Охрид од 112:69 во вториот четвртфинален натпревар од „Лимак Купот на Македонија“ што се игра во Кавадарци.
Домашните кошаркари од почетокот до крајот на мечот го диктираа темпото на играта и на крајот заслужено и очекувано стигнаа до убедлив триумф остварен со огромна предност од 43 коша.
Со добра одбрана и брза трансформација кавадарчани од минута во минута го зголемуваа водството за на крајот да стигнат до убедливата победа.
Фени Индустри во полуфиналето ќе го очекува победникот од мечот МЗТ Скопје Аеродром – Кожув (почеток 20:30 часот).
Пред тој дуел во салата „Јасмин“ ќе играат Работнички и Куманово во третото четвртфинале.