Најдобриот играч на Монако, колумбискиот репрезентативец Радамел Фалкао е ставен на трансфер листата, пишуваат медиумите во Франција. Како главна причина за продажбата на Фалкао се наведува неговото не совпаѓање во формацијата 4-3-3, омилена кај новиот тренер на екипата Леонардо Јардим.
Се шпекулира дека клубот од Кнежеството е подготвен веднаш да го отстапи својот напаѓач на оној кој е понуден да плати 60 милиони евра.
Како најзаинтересирани за ангажман за Фалкао се спомнуваат европскиот првак Реал Мадрид и премиерлигашот Арсенал.
Колумбиецот не настапува на Светското првенство поради повреда на коленото на почетокот од годинава за време на натпревар од францускиот куп. Над Фалкао беше извршена операција и се очекува подготвен да ја дочека новата сезона.