Најдобрите четири екипи во ракометната Лига на шампионите, од оваа сезона, денеска и утре ќе ги одиграат натпреварите на „фајнл фор“ турнирот во Келн.
Во првото полуфинале со почеток во 15:15 часот ќе се соочат двете германски екипи Берлин и Кил. Веднаш по нив во 18 часот во второто полуфинале ќе играат Атлетико Мадрид и Копенхаген.
„За Атлетико Мадрид титулата во Лигата на шампионите е најголемата титула што воопшто постои во ракометниот свет. Се надевам дека ќе не следи спортска среќа оваа сезона.
Максимално подготвени ќе го дочекаме „фајнл фор“ турнирот и ќе дадеме се од себе да имаме подобар резултат од лани кога бевме финалисти. Целта ни е да ја освоиме Лигата на шампионите изјави нашиот Кирил Лазаров кој во моментот е и најдобриот стрелец во Атлетико Мадрид, трети во Лигата на шампионите.
Утре на програмата во „Ланксес Арена“ се натпреварите за пласман. Од 18 часот е финалето, а од 15:15 часот натпреварот за 3.место.