На женското Европско првенство во ракомет што се одржува во Србија, македонската репрезентација денеска го игра натпреварот од 2.коло против Шведска. Почетокот на овој дуел е во 18 часот и 15 минути.
Шведската репрезентација во 1.коло ја совлада Данска, а Македонија беше поразена од Франција.
Селекторот Гино Стрезовски и ракометарките уште пред почетокот на шампионатот најавија дека шанса за позитивен резултат се токму скандинавските селекции.
Во вториот натпревар од групата Б играат Франција – Данска.
Табела: Франција 2 бода, Шведска 2, Данска 0, Македонија 0.
Денеска се играат натпревари и во групата А во Белград, а двојките се: Србија – Украина (почеток 18:15) и Чешка – Норвешка (20:15).
Табела: Чешка 2, Норвешка 2, Србија 0, Украина 0.
Во групите Ц и Д денеска е слободен ден, а таму вчера беа одиграни дуелите од 2.коло по кое Шпанија и Црна Гора веќе обезбедија пласман во следната фаза.
Резултати и табели во групите Ц и Д:
Ц група (Нови Сад): Шпанија – Хрватска 25:21 и Унгарија – Германија 24:21.
Табела: Шпанија 4 бодови, Унгарија 2, Хрватска 2, Германија 0.
Д група (Вршац): Русија – Црна Гора 27:30 и Исланд – Романија 19:22.
Табела: Црна Гора 4, Романија 3, Русија 1, Исланд 0.