Во рамките на француската Лига 1 вечерва ќе се одиграат два натпревара од второто коло.
Ница ден порано ќе го одигра дуелот со Троа поради обврските во баражот од Лигата на шампионите. Почетокот на натпреварот е во 19 часот. Во терминот од 20:45 часот играат Рен и Олимпик Лион.
Утре на програмата се пет натпревари, а двојките се: Нант – Олимпик Марсеј, Амиен – Анже, Бордо – Мец, Каен – Сент Етиен и Тулуз – Монпеље.
Второто коло ќе биде комплетирано во недела кога се играат дуелите: Стразбур – Лил, Дижон – Монако и Генгамп – ПСЖ.