Претседателот на францускиот фудбалски шампион Пари Сен Жермен, Насер Ал-Келаифи рече дека Анхел ди Марија нема да биде ангажиран поради високата сума.
– Се откажуваме од извонредниот Аргентинец поради тоа што неговиот трансфер од Реал Мадрид е прескап за нас, изјави првиот оперативец на ПСЖ.
Изминатиот период се шпекулираше дека Ди Марија ќе премине во ПСЖ, а посебно тоа беше потенцирано кога во Реал пристапија Тони Крос и Џејмс Родригез.
„Кралскиот клуб“ сака да го продаде Ди Марија, најмногу поради запазување на финансискиот фер-плеј.
Како можен нов клуб на аргентинскиот репрезентативец во шпанските медиуми се спомнува Манчестер Јунајтед.