Корпулентниот центар на Лос Анџелес лејкерс, Ентони Дејвис, одби да го продолжи договорот со клубот за следната сезона.
Според НБА инсајдерот Крис Хејнс, играчот имал понуда од 28,7 милиони долари. Сепак, како што забележува Хејнс, сето тоа е направено со цел да се потпише нов максимален договор со „езерџиите“, а Дејвис не размислува да си оди од шампионскиот тим.
Дејвис забележа 26,1 поен, 9,3 скока, 3,2 асистенции, 1,5 украдени топки и 2,3 блокада по натпревар за сезоната 2019/20.
Тој во тандем со Леброн Џејмс беше најзаслужен за шампионскиот трофеј на Лејкерс.