Премиерлигашот Челзи успеа да се пласира во полуфиналето на Лига купот, откако синоќа го победи Дерби со 3:1 на гостински терен.
Головите за Челзи ги постигнаа Еден Азар (26.минута), Фелипе Луис (56) и Андре Шурле (82), додека голот за Дерби го постигна Крег Брисон (71).
Полуфиналист во ова натпреварување е и тимот на Шефилд Јунајтед откако со 1:0 на домашен терен го победи Саутемптон со голот на Марк Мек Нулти во 63.минута.
Ова за Шефилд Јунајтед е прво полуфинале по сезоната 2002/03 во Лига купот. Вечерва се играат вторите два четвртфинални дуела: Бурнемонт – Ливерпул и Тотенхем – Њукасл.