Бугарија, Грција, Србија и Романија ќе аплицираат за домаќини за Светското првенство во фудбал, изјави премиерот Бојко Борисов на прес-конференција по четиристраната средба на високо ниво што се одржа во Бугарија, пренесе бугарската новинска агенција „Фокус“.
На состанокот на лидерите на четирите земји станало збор за енергетската безбедност, инфраструктурата и престојното романско претседателство со Европската Унија.
Претходно Борисов посочи дека фактот што денеска се одржува втор состанок во ваков формат, во изминатите шест месеци е доказ за продуктивноста на средбите која придонесува за продлабочување на регионалната соработка и за развој на добрососедските односи.